Escudero announces decision to leave NPC

October 28, 2009

Papaano halimbawa magagawa yan ng sino mang magiging pangulo kung siya ay nakatali at nakakadena.

Papaano niya aamyendahan at ire-repeal ang oil deregulation law --para magpantay man lamang ang mayaman at mahirap. Ang mayamang kumpanya ng langis pwedeng magtaas ng presyo kahit kailan, at kung ayaw niyang ibaba hindi pwede. Ang mahirap na tsuper ng jeep, kailangan magpaalam muna sa isang ahensiya ng gobyerno bago siya magtaas ng kita o pamasahe. Kung pwede ang mayaman, dapat mas pwede ang mahirap. Kung bawal ang mahirap, dapat mas bawal ang mayaman.

Pangatlo po at higit sa lahat, ako'y lumilisan sa aking partido dahil naniniwala po ako na mas matatanaw ko ang dapat kong gawin at papel na dapat kong gampanan kaugnay sa darating na halalan.

Sa pagkakataong ito at sa minutong ito, hindi bilang miyembro ng anumang partido, hindi bilang kasama ng sino mang tao, kung hindi, ako lamang po bilang ako. Nais ko pong magpasalamat sa lahat ng nandito ngayong umaga. Nais ko pong magpasalamat sa lahat ng mga Bicolano, sa lahat po ng naniniwala at nagtitiwala.

Hiling ko po ay panahon para ako ay magpasya --ako bilang ako at hindi diktado o hindi sinasabihan ng sinuman. Nais kong patunayan ito upang sa gayon mapatunayan ko rin sa inyo at sa aking sarili na ito ay ginagawa ko sa mga tamang rason --hindi para sa anumang interes, hindi para sa kanino mang tao, kundi para sa inyo at para sa sambayanan.

Paumanhin at panahon ang aking hinihiling. Sana'y igawad ninyo po ito sa akin --bilang ako. Maraming salamat po muli sa inyong pagdalo at isang magandang at pinagpalang umaga po.

RSS Feeds

Job Finder  

Spot Chiz!

Sorsogon

Home| About Chiz