Escudero announces decision to leave NPC

October 28, 2009

Wala pong isang partido na nagmamay-ari ng lahat ng galing at talento kaugnay sa pagresolba ng problema ng ating bansa. Kailangan po kasama kayo. Hindi pwede halimbawa na ako lamang mismo, dapat pati kayo mismo. Hindi pwedeng ako lang palagi ang simula, dapat kayo din ang maging simula.

Pangalawang rason, sino mang tumatakbo, o tatakbo o magiging pangulo ng ating bansa, hindi po pwedeng nakakadena ang kamay at paa sa partido.

Hindi po pwedeng nakapiring ang mata, at nakabusal ang bibig. Dahil kung ganyan po ang mangyayari, dating gawi na naman at paano niya mareresolbahan ang mga problema ng ating bansa. Para po sa akin, hindi dapat idikta ng isang partido ang gagawin ng sino mang tatakbo. Dahil kung ganoon, paano niya mapapanagot ang mga tiwali sa gobyerno kung ito ay kagrupo o kasama niya.

Papaano niya i-aabolish ang pork barrel, at i-institute ang line item budgeting kung kasama niya ay puro kongresista at puro senador.

Papaano niya ipagtatanggol ang mga security guard, janitor at mga clerk kung hindi niya ipaglalaban ang contractualization na hindi na magamit laban sa mga taong ito.

Paano niya titiyakin na ang pulis at sundalo, trabahong-pulis at sundalo at hindi bodyguard, taga bukas ng pinto o taga bitbit ng bayong ng asawa ng opisyal o heneral.

Papaano niya titiyakin na ang mga ambassador natin sa iba't-ibang parte ng mundo hindi magsisilbing tour guide lamang ng mga kongresman, kundi magsisilbi sa mga OFW na kinakailangan ang kanilang tulong.

RSS Feeds

Job Finder  

Spot Chiz!

Sorsogon

Home| About Chiz